Category: காணொளி

ஆர்.கே.சண்முகம் செட்டியார் இந்தியாவின் முதல் நிதியமைச்சர் ஆவார். சுதந்திர இந்தியாவின் முதல் பட்ஜெட்டை சமர்ப்பித்தவர் தமிழராகிய ஆர்.கே.சண்முகம் அவர்கள்தான். உலக வங்கி துவக்கப்பட்ட கூட்டத்தில் இந்தியாவின் பிரதிநிதியாக உரையாற்றினார். வெள்ளையர்களிடம் சண்டையிட்டு இழப்பீடாக இந்தியாவிற்கு 1500 கோடி வாங்கித் தந்தார். தமிழிசையில் மிகுந்த ஈடுபாடு கொண்டவராகவும் விளங்கினார். இப்படி பன்முக சிறப்புகளைக் கொண்ட ஆர்.கே.சண்முகம் செட்டியாரின் பிறந்த நாளில் அவரைப் பற்றிய விரிவான அரிய தகவல்களைப் பார்ப்போம்.

தமிழ்நாட்டின் கோவில்களில் கடந்த 10 ஆண்டுகளில் காணிக்கையாக செலுத்தப்பட்ட நகைகளை உருக்கி தங்கக் கட்டிகளாக மாற்றி வங்கிகளில் டெபாசிட் செய்து, அதில் கிடைக்கும் வட்டிப் பணத்தில் கோவில்களை சீரமைக்கலாம் என்று ஒரு திட்டத்தினை தமிழ்நாடு அரசு அறிவித்துள்ளது. இத்திட்டத்தினை பல்வேறு காரணங்களை சொல்லி பாஜக எதிர்த்து வருகிறது. கோவில் நகைகளை உருக்கலாமா? கூடாதா? உங்கள் கேள்விகளுக்கு இக்காணொளி விடையளிக்கிறது.

நாம் எல்லோரும் ஷாரூக் கான் மகன் ஆர்யன் கான் வைத்திருந்த 3 கிராம் போதைப் பொருட்களைப் பற்றி பேசிக் கொண்டிருக்கிறோம். ஆனால் அதானி துறைமுகத்தில் 21,000 கோடி முதல் 2 லட்சம் கோடி வரையிலான தடை செய்யப்பட்ட ஹெராயின் போதைப் பொருட்கள் பிடிபட்டுள்ளது. இந்திய வரலாற்றிலேயே இவ்வளவு போதைப் பொருட்கள் ஒரே நேரத்தில் பிடிபட்டதில்லை. ஒட்டுமொத்த இளைஞர்களையும் சீரழிக்கும் இந்த கடத்தல் பற்றி ஊடகங்கள் மவுனம் காக்கின்றன. அதைப் பற்றி நாம் பேசுவோம்.

General Insurance நிறுவனங்கள் எனப்படும் பொதுக் காப்பீட்டு நிறுவனங்களை தனியார்மயப்படுத்தும் திருத்தத்தினை ஒன்றிய பாஜக அரசு கொண்டு வந்திருக்கிறது. அந்த திருத்தம் குறித்த விளக்கங்களையும் அதனால் பொதுமக்கள் எப்படி பாதிக்கப்படுவார்கள் என்பது குறித்தும் விளக்குகிறது இக்காணொளி.

கன்னியாகுமரியின் மலைகள் பெருமளவில் உடைக்கப்பட்டு கேரளாவில் விழிஞ்சியம் துறைமுகக் கட்டுமானத்திற்காக கொண்டு செல்லப்படுகிறது. கன்னியாகுமரி கனிம வளக் கொள்ளை குறித்து விளக்கும் காணொளி.

விடுதலைப் போராட்ட வரலாற்றில் மிக முக்கிய தலைவரான வ.உ.சி சுதேசிக் கப்பலை வாங்கினார் என்பது அனைவருக்கும் தெரியும். அதை வாங்கும்போது எவ்வளவு கடினப்பட வேண்டியிருந்தது என்ற கதை பலருக்கும் தெரியாது. வ.உ.சி கப்பல் வாங்கிய கதையையும், அவரது வாழ்வில் திருப்புமுனையாக அமைந்த கோரலில் போராட்டத்தினையும் விளக்கும் காணொளி.

காளை மாடுகளே பிறக்காதபடி மாட்டின் விந்தணுவிலேயே பிரித்து அழிக்கும் அமெரிக்க தொழில்நுட்பத்தினை இந்திய அரசு செயல்படுத்தி வருகிறது. காளைகள் கைவிடப்பட்டு தெருக்களில் சுற்றுவதைத் தடுக்கவும், பால் உற்பத்தியை அதிகரிக்கவும் பசு மாடுகள் மட்டுமே பிறக்கும் வகையில் இந்த தொழில்நுட்பத்தினை கொண்டு வருவதாக அரசு தெரிவிக்கிறது. நாட்டு மாட்டு இனங்களையும், விவசாயிகளின் வாழ்வாதாரத்தையும் கேள்விக்குள்ளாக்கும் இந்த தொழில்நுட்பம் குறித்து விரிவாக விளக்கும் காணொளி.