தமிழீழ இனப்படுகொலை நிகழ்வுகள் 1956 முதல் 2009 வரை – காலவரிசையாக

2009-ம் ஆண்டின் மே 17,18,19 ஆகிய நாட்கள் மிகக் கொடூரமானவை, மறக்க முடியாதவை. ஈழத்தில் தமிழர்கள் மீது இனப்படுகொலையை 1956-ம் ஆண்டு துவக்கிய சிங்கள அரசு இன்றுவரை பல்வேறு வடிவங்களில் தொடர்ந்து நடத்தி வருகிறது. நேரடிப் படுகொலைகள், மொழி அழிப்பு, கலாச்சார அழிப்பு, நிலப் பறிப்பு, சிங்களக் குடியேற்றம், வாழ்வாதார அழிப்பு, மதத் திணிப்பு என பல்வேறு வடிவங்களில் இனப்படுகொலையை நிகழ்த்தி வருகிறது. இறுதிப் போரின்போது மட்டும் 1,46,679 தமிழர்கள் கொல்லப்பட்டும், காணாமலும் ஆக்கப்பட்டார்கள் என்று மன்னார் ஆயர் ராயப்பு ஜோசப் அவர்கள் மக்கள் தொகை ஆவணங்களின் வழியே அம்பலப்படுத்தினார். இன்றுவரை எத்தனை தமிழர்கள் கொல்லப்பட்டார்கள் என்பது சர்வதேசத்தினால் அங்கீகரிக்கப்படவே இல்லை.

விடுதலைப் புலிகளின் தமிழீழ ஆட்சிப் பரப்பில் செயல்பட்ட வடகிழக்கு மனித உரிமைகள் செயலகம் (NESOHR) 1956 முதல் 2008-ம் ஆண்டு வரை நடைபெற்ற நேரடிப் படுகொலைகளை ஆவணப்படுத்தியுள்ளது. அந்த ஆவணத்தின் அடிப்படையில் தமிழீழ இனப்படுகொலைகளின் நேரடிப் படுகொலை நிகழ்வுகள் இங்கே தொகுக்கப்பட்டுள்ளது.

இதைத் தவிர ஆவணப்படுத்தப்படாத, கணக்கில் வராத படுகொலைகளும், இடப்பெயர்வுகளும் ஏராளம் இருக்கின்றன.

இனப்படுகொலை 1956 – 2009